Khang-khòe 場上，無論是長官、同事，若磕袂著就講「你們就跟我的家人一樣」，講你袂輸是伊厝內人、家己人，上好你著較細膩，講出這款話 ê 人，心內攏知知：「家己刣，趁腹內。」

※2022年就寫過這句俗諺 ê 介紹矣，想袂到這句有影毋是俗語，是「讖語」。

俗諺說明通翻頭去餾一下。
https://www.facebook.com/share/p/14RGYd79dvE/

看到台灣人在日本遇到地震，急著扶電視、魚缸這件事變成網路話題，覺得疑惑……不然要扶什麼？

--順便的台語小教室--
「扶」台語是
(白)phô͘／phôo丨e.g.扶扶挺挺(巴結討好拍馬屁)
(文)hû丨e.g.扶持

但台語裡大部份表達「扶」這個動作時較常用「扞／hōaⁿ／huānn」。
e.g. 地動！電視扞予在！

「扞」另外也有掌控、管理的意思。
e.g. 這个家是我咧扞的(這個家是我在管的)

阮劇團台語劇本集了後，真歡喜 ē-tàng 看著 金枝演社劇團 mā 推出《創治王─新編邱罔舍》台文劇本&有聲書。這回邱罔舍講 --ê 是今年演出版本 ê 台南腔(khioⁿ)，這本佮腔口 &漳泉拚關係真深 ê 劇本冊，有影 ài 佮有聲冊才 ē 十全。

這个劇本冊若 koh 轉換做廣播劇版本，穩當 koh 是另外一款趣味。

看看當年讓人敬佩的「秋鬥」，如今變成什麼樣子，很難不讓人感嘆當左派走上左膠死巷，會顯得多麼的可悲與可厭。

秋鬥如此，我大學時那位溫文儒雅而親切的羅教授亦如此。

你敢知「巧克力」台語按怎講？
□ 1.法蘭西糖
□ 2.招閣禮篤
□ 3.芝客力
□ 4.chhio 甲袂倒

前一站仔豬災 ê 代誌了後就 tiû-tiû 想欲食豬跤，到昨昏才擠出時間去信用 ê 豬砧買，規肢前跤 ê 頂橛肉濟，提來滷一鼎塗豆豬跤，下橛跤箍𤉙一鍋塗豆豬跤湯，平平是豬跤佮塗豆，煮出來 ê 料理口味、口感真無仝，仝款--ê 是攏 chìn 好食啦(家己褒)。

是講豬價無設想 án-ne 崩價，政府有刁持控制數量，想欲俗買是無，毋過凡勢是加飼一段時間 ê 關係，肉有夠媠，毋免摻啥壓味，食起來就是清芳甘甜。

鳳凰風颱 kā 宜蘭冬山淹一下真食力，早起轉阮爸母厝--ê，沿路 ê 田岸路攏浸佇水底(阮兜地勢較懸無代誌)，親情朋友佮阮阿娘聯絡厝內敢有淹水，齊齊是台語人 ê 笑詼：

母：恁 hia 啥款？有「入厝」無？
嬸：有啊，mā 是有入厝矣。
母：啊 tang-sî 入厝--ê？怎無請人客？

我：？？？

目前為止，Gemini佮我互動所寫 ê 台文是 án-ne-sèⁿ。

我 ê 問題是：
「我想欲知影你佮 Google NotebookLM之間 ê 精差是啥？隨人較厲害 ê 所在佇佗？」

吉尼講了著，對一个佇某一主題 ê 背景智識認捌差傷濟 ê 人，佇 hia 佮伊諍，是擔砂填海了戇工。

Tsiànn-sī.
Lín lóng sī.

標明台語活動 ê 演出，著 ài 顧慮別人聽有無，是「豬頭毋顧去顧塗豆」，這款正是欠缺語言意識所產生 ê 行為，使人遺憾。

進前去拜訪掌中戲藝師陳錫煌佮傀儡戲藝師林金鍊 ê 時，討論著語言 ê 代誌，二位先--ê 攏隨應講「我透世人毋捌咧講北京話。」

Kā 家己 ê 藝佮心雕啄再雕啄，你 ê 藝術、美感佮用心，會有 koh 較濟人看著；顛倒頭講，無論是(家己想 ê)委屈求全，抑是投機想欲總貿，攏毋是正途──無論你 ê 本心如何。

食一間連鎖長煎餃(新詞庫是收「鍋貼」)，納錢 ê 時：

頭家：「你 chiah 少年台語足標準--ê」

我：「我做台語廣播節目--ê」

頭家：「做台語節目?!」

我：「這幾工當咧著火燒 ê 彼間👉🏻」

頭家：「喔～～😌」

我知影真濟人 kā 央廣佮中廣拂毋著去，毋過無怪逐家，除了來面試會有人叫毋著名，前二、三個月仔才有一位藍委走來講欲受訪，臺內無人邀請伊，舞規晡才知伊是欲去中廣……(佗一位咱就莫講矣)

EP142︱
若毋是有這遍 ê 合作，有影是袂去想著有機會訪問著掌中戲、傀儡戲的國寶級藝師，應該也算是Podcast經歷內底一條輝煌 ê 紀錄矣，毋通看二位老罔老，一位95歲，一位89歲，手藝 ê 鋩鋩角角、過去 ê 歷史，是記 kah 清清楚楚，毋過佮 in 對談上趣味--ê 猶有一點是「腔口」，佇台北生活 hiah-nī 濟冬，鍊師 ê 老新竹腔原在，佮錫煌先--ê 帶台北城內腔、亞特 ê 宜蘭腔來開講，實在是趣味 kah！

🎧收聽︱
https://atlantistalk.pse.is/88j7e8

上課了後得著真正面 ê 回饋，總是 ē 真歡喜，
尤其是講
.
.
.
.
「chiah-nī 少年(這麼年輕)」😆

無張持看著一本冊主打「學外語就像學母語」，佇這个時代，對大部份人來講，這句話袂輸是咧表示你外語會學袂曉(斡頭看覓咱 ê 母語)，冊頂頭 koh 寫「25語台灣郎」，我毋捌作者，毋知伊是啥族群，對伊本人無任何想法，只是這款標仔貼出來，我頭殼內就會浮出一句話：

「這25語敢有包含你 ê 母語？」

生活中愈來愈捷予AI鬥跤手，mā 正正是這个時陣，使用AI著加一个心思，你用 ê AI是佗一國做--ê？或者登記佇對咱無歹意 ê 國家，背後創辦者是佗一國 ê 人？

拄才看著人介紹一个生圖生了真好 ê AI服務，總是感覺佗位怪怪，查落去到底，嗯……登記是佇美國，創辦者是逐家攏臆會著 ê 「彼国」ê 人，而且毋是移民二代、三代彼款，大學猶是佇咧 in 国內讀。

kā 月底前 ài 交予合作廠商 ê 音檔交出去矣，家己事後 koh 聽一遍 ê 時，心肝頭真感謝，會用得有資源、有機會做有趣味、有熱情 ê 代誌。

我 taⁿ 較罕得佇家己 ê 壁面介紹節目，毋過這个議題 ê 討論，我想欲送予身邊所有辛苦 ê「長女」。

「長女病」是一个社會結構性 ê 現象，對厝內人到身邊觀察 ē 著 ê 對象，攏時常表現出一寡「症頭」，彼个「病人」(暫且予我 án-ne 講)凡勢是你 ê 阿母、阿姑、同事、朋友……甚至就是你家己。

正因為 án-ne ，我才 ē 邀請《長女病》ê 作者慧慈來討論這个議題，對病症到病因，對解破到解方，30分鐘無啥夠氣，毋過真希望通仔予一寡仔沓沓仔脫離這款症頭。

※長女病毋但長女，mā 毋但女性，所有人攏應當去了解，這个結構當中咱徛佇佗。

https://www.rti.org.tw/programnews?uid=4&pid=82824

寫一篇台文散文，內底講起幾若款魚仔，本底後壁 koh 有括號寫魚仔 ê 官方華語名，想想咧毋著，我 kā 華文名刣掉，改補註拉丁文學名。

有一寡仔你當做理所當然、慣勢成自然 ê 代誌，加想一下，就會發覺根本就無自然。