ஏற்கனவே இந்த தலைப்பில் இரண்டு கட்டுரைகளில் விவாதித்திருந்தோம்.

Itsfoss தளத்தில் வெளியாகி இருந்த கட்டுரையை அடிப்படையாகக் கொண்டு, ஏற்கனவே எட்டு கட்டற்ற இன்டர்ன்ஷிப் நிகழ்வுகள் குறித்து தெரிவித்திருந்தேன்.

இந்தக் கட்டுரையிலும் மூலக்கட்டுரையில் உள்ள பிற ஐந்து இன்டர்ன்ஷிப் நிகழ்வுகள் குறித்து பார்க்கலாம்.

9. ICFOSS

கேரள அரசாங்கத்தால் நடத்தப்படக் கூடிய இந்த நிகழ்வில் பங்கேற்று, கட்டற்ற தொழில்நுட்பங்களை நீங்கள் வளர்க்க முடியும்.

ஆகஸ்ட் முதல் அக்டோபர் மாதம் வரை நடைபெறக்கூடிய இந்த நிகழ்வு ஒன்றரை மாத காலம் வரை நடைபெறும்.

இது தொடர்பான அறிவிப்புகள் வெளியாகும் போது கண்டிப்பாக கவனியுங்கள்.

ஆனால்,இதற்காக ஊக்கத் தொகை எதுவும் வழங்கப்படாது

10. ICFOSS Fellowship

இதுவும் கேரளா அரசாங்கத்தின் தன்னாட்சி அதிகாரம் பெற்ற அமைப்பாளர் நடத்தப்படுகிறது.

இந்த நிகழ்வில் உங்களுக்கு மாதம் 20 ஆயிரம் வரை ஊக்கத்தொகைகள் கிடைக்க வாய்ப்பு உள்ளது.

30 வயதிற்கு உட்பட்ட அனைவரும் இதில் விண்ணப்பிக்கலாம்.

11. FOSSEE Internships

கட்டற்ற தொழில்நுட்பத்தை வளர்க்கும் நோக்கில் ஐஐடி மும்பையால் முன்னெடுக்கப்படும் நிகழ்வுகள் ஆகும்.

இரண்டு மாதங்கள் வரை நடைபெறும்.

ஊக்கத்தொகைகள் கிடைக்க வாய்ப்பில்லை.

வழக்கமாக ஜனவரி அல்லது பிப்ரவரி மாதத்தில் நடைபெறும்.

12. Khan Academy

மேற்படி அமைப்பு முன்னெடுக்கக்கூடிய, கட்டற்ற மெய்நிகர் வகுப்பறைக்கான திட்டங்களில் நீங்கள் பங்களிக்க முடியும்.

வேலைக்கு ஏற்ற ஊக்க தொகைகளும் வழங்கப்படும்.

வழக்கமாக 10 முதல் 12 வாரங்கள் வரை நடைபெறும்.

13. Google Season of docs

கூகுள் நிறுவனத்தின் ஒரு சிறப்பான திட்டங்களில் ஒன்று.

இது தொடர்பான அறிவிப்புகளை உன்னிப்பாக கவனித்து வாருங்கள்.

திட்டத்திற்கு ஏற்ற அளவிலான சிறந்த ஊக்கத்தொகைகளை பெற முடியும்.

அவ்வளவுதான் இதோடு இந்த தொடர் முற்றுப்பெறுகிறது.

மீண்டும் ஒரு கட்டுரையோடு சந்திக்கலாம்.

இந்தத் தொடரின் பிற கட்டுரைகளை படிக்க: foss internship

கட்டுரையாளர்:-

ஸ்ரீ காளீஸ்வரர் செ,
இளங்கலை இயற்பியல் மாணவர்,
(தென் திருவிதாங்கூர் இந்துக் கல்லூரி, நாகர்கோவில் – 02)
இளநிலை கட்டுரையாளர் மற்றும் மொழிபெயர்ப்பாளர்,
கணியம் அறக்கட்டளை.
மின்மடல் : srikaleeswarar@myyahoo.com இணையம்: ssktamil.wordpress.com

https://kaniyam.com/foss-internship-last-part/

#fossInternship #internship #itsfoss

கடந்த கட்டுரையில் நான்கு கட்டற்ற பயிற்சி நிகழ்வுகள் தொடர்பாக பார்த்திருந்தோம். அதன் தொடர்ச்சியாக, இரண்டாவது கட்டுரையாக இதை எழுதுகிறேன்.

பகுதி 1:kaniyam.com/foss-internship-1/

கடந்த கட்டுரையை போலவே, itsfoss இணையதளத்தில் திரு.அபிஷேக் பிரகாஷ் அவர்கள் எழுதிய கட்டுரையை அடிப்படையாகக் கொண்டு இந்த தகவல்களை பகிர்கிறேன்.

5. OpenGenus Internship

மென்பொருள் உருவாக்கம்,அல்காரிதம் தயாரிப்பு, கருவி கற்றல் போன்ற துறைகளில் பயிற்சி அளிக்கும் விதமாக இந்த நிகழ்வு நடத்தப்படுகிறது.

இந்த நிகழ்வில் உங்களுக்கு ஊக்கத் துவை எதுவும் வழங்கப்படுவதில்லை.

ஆனால், மதிப்புமிக்க சான்றிதழ்களும், பிற நிறுவனங்களில் வேலை வாய்ப்பை ஏற்படுத்தித் தரும் வகையில் இந்த பயிற்சி நடைபெறுகிறது.

குறைந்தபட்சம் இரண்டு மாத காலம் இந்த பயிற்சி முகாம் நடைபெறும்.

6. Girl script summer of code

2019 ஆம் ஆண்டு, இந்த நிகழ்வில் ஆயிரத்திற்கு மேற்பட்டோர் பங்கேற்றிருந்தனர்.

தற்பொழுதும், 150 ற்கும் அதிகமான விண்ணப்பங்கள் பெறப்பட்டு இருப்பதாக தகவல்கள் தெரிவிக்கிறது.

ஜனவரி மாதத்தில் இருந்து இந்த நிகழ்வு தொடங்கும்.

இங்கும் உங்களுக்கு ஊக்கத் தொகைகள் எதுவும் கிடைக்காது என்பது குறிப்பிடத்தக்கது.

7. Outreachy

ஆண்டுக்கு இரண்டு முறை நடத்தப்படும் இந்த நிகழ்வானது, பெண்களுக்காகவும் இவற்றின் திருநங்கைகளுக்காகவும் சிறப்பாக நடத்தப்படுகிறது.

2006 ஆம் ஆண்டில் இருந்து நடத்தப்படும் இந்த நிகழ்வு,  2010 ஆம் ஆண்டில் இருந்து  தொடர்ச்சியாக செயல்பட்டு வருகிறது.

Debian, Red Hat, OpenStack போன்றவற்றில் செயல்பாடுகள் நடத்தப்படுகின்றன.

7000 டாலர்கள் வரையிலான மதிப்பீட்டில் ,ஆண்டிற்கு இரண்டு முறை இந்த பயிற்சி நடத்தப்படுகிறது.

8. Season of KDE

அனைவரும் பங்கேற்க வாய்ப்பளிக்கும் இந்த நிகழ்வில், KDE  தொடர்பான பல தொழில்நுட்ப தகவல்களை அறிந்து கொள்ள முடியும்.

KDE சமூகம் இதை ஒருங்கிணைக்கிறது.

மதிப்புமிக்க சான்றிதழ்களும், பரிசுப் பொருட்களும் வழங்கப்படுகின்றன.

ஏற்கனவே கடந்த கட்டுரையில் நான்கு பயிற்சி நிகழ்வுகள் குறித்து பார்த்திருந்தோம். இந்த கட்டுரையிலும், நான்கு பயிற்சி நிகழ்வுகள் குறித்து பார்த்து இருக்கிறோம்.

வரக்கூடிய கட்டுரையோடு இந்த தொடர் முற்றுப்பெறுகிறது.

கட்டுரையாளர்:-

ஸ்ரீ காளீஸ்வரர் செ,

இளங்கலை இயற்பியல் மாணவர்,

(தென் திருவிதாங்கூர் இந்து கல்லூரி, நாகர்கோவில் – 02)

இளநிலை கட்டுரையாளர் மற்றும் மொழிபெயர்ப்பாளர்,

கணியம் அறக்கட்டளை.

மின்மடல் முகவரி : srikaleeswarar@myyahoo.com

இணையம் : ssktamil.wordpress.com

https://kaniyam.com/foss-internship-1-2/

#FOSS #fossInternship #itsfoss

கட்டற்று இன்டர்ன்ஷிப் ( பயிற்சி) நிகழ்வுகள் குறித்து, itsfoss இணையதளத்தில் திரு.அபிஷேக் பிரகாஷ் அவர்கள் எழுதிய கட்டுரையை படிக்க நேர்ந்தது.

அடிப்படையில் நானும் ஒரு கல்லூரி மாணவன் தான்.சரி, என்னை போன்ற மாணவர்களுக்கு பயன்படும் வகையில் இந்த கட்டுரை இருக்கும் என்பதால்! அந்த தகவல்களை கணியத்தில் எழுதலாமா? என பொறுப்பாசிரியரிடம் கேட்டிருந்தேன்.

அதற்கு பொறுப்பாசிரியர் இன் முகத்தோடு ஒப்புதல் அளிக்கவே, அந்த கட்டுரையில் குறிப்பிடப்பட்டுள்ள 13 வெவ்வேறு விதமான இன்டர்ன்ஷிப் நிகழ்வுகள் குறித்து மூன்று கட்டுரைகளாக எழுதலாமே என முடிவு செய்திருக்கிறேன்.

அதன் முதல் கட்டுரைதான் இது.

இந்த கட்டுரையில் முதல் நான்கு இன்டெர்ன்ஷிப் நிகழ்வுகள் குறித்து பார்த்துவிடலாம்.

உங்களுக்கு மேலும் தகவல்கள் தேவைப்பட்டால் மூல கட்டுரையை பார்வையிடவும்.

1. கூகுள் கோடைகால நிரலாக்க நிகழ்வு

Google summer code என பிரபலமாக அறியப்படும், மூன்று மாதம் நடக்கக்கூடிய பயிற்சி நிகழ்வு தான் கூகுள் கோடைகால நிரலாக்க நிகழ்வு.

இந்த நிகழ்வில் 18 வயது நிறைவடைந்த அனைவரும் பங்கேற்றுக்கொள்ள முடியும்.

Debian, Fedora, GCC, FreeBSD, Git (Not GitHub), GNOME, OpenSUSE, Arduino போன்று பிரபலமான நிறுவனங்களில் உள்ள செயல்பாடுகளில் பங்கேற்க முடியும்.

நீங்கள் பணியாற்றும் நிறுவனத்திற்கு ஏற்ற, ஊக்கத்தொகைகளும் வழங்கப்பட வாய்ப்பு உள்ளது.

உலகளாவிய அளவில் மிகவும் பிரபலமான கட்டற்ற நிரலாக்குபயிற்சி நிகழ்வு இதுவாகும்.

வழக்கமாக, மார்ச் அல்லது ஏப்ரல் மாதம் இந்த நிகழ்வு தொடங்கும்.

2)FSF

தொழில்நுட்பத்திற்கு முன்னோடியாக திகழும் எஃப் எஸ் எப் சார்பில் நடத்தப்படக்கூடிய இந்த நிகழ்வில், அமெரிக்காவில் வசிப்பவர்கள் எளிமையாக பங்கேற்றுக் கொள்ள முடியும்.

இந்தியாவில் உள்ளவர்கள் இதில் பங்கேற்க முடியுமா? என்பதை செயல்பாட்டைப் பொறுத்துதான் தீர்மானிக்க முடியும்.

இங்கும் கல்லூரி மாணவர்களால் பல நிகழ்வுகள் குறித்து அறிந்து கொள்ள முடியும், மற்றும் தங்களது திறமைகளை வளர்த்துக் கொள்ள முடியும்.

இதில் பங்கேற்பதற்கு வயது வரம்பெல்லாம் ஒன்றும் கிடையாது.

ஆனால் கூகுள் சம்மர் கோடு போல இங்கு உங்களுக்கு ஊக்க தொகைகள் கிடைப்பதற்கான வாய்ப்பு மிக மிகக் குறைவு.

3. Linux Kernel Mentorship Program

Linux அறக்கட்டளையால் நடத்தப்படும் இந்த நிகழ்வில் பங்கேற்பதன் மூலமாக, kernal நிரலாக்க முறை குறித்து அறிந்து கொள்ள முடியும்.

மேலும், ஐந்தாயிரம் டாலர்கள் வரையினால ஊக்க தொகைகள் வழங்கப்பட வாய்ப்பு உள்ளது.

ஆனால், இந்த நிகழ்வில் பங்கேற்பதற்கு சில கல்வி தகுதி விதிமுறைகள் பின்பற்றப்படுகிறது.

X.org அமைப்பாள் நடத்தப்படும் இந்த நிகழ்வில் பல அடிப்படையிலான  பயிற்சி திட்டங்கள் நடைபெறுகிறது.

4.X.org programme

ஆண்டு முழுவதும் நடத்தப்படும் இந்த பயிற்சி நிகழ்வில் பங்கேற்று, ஐந்தாயிரம் டாலர்கள் வரையிலான ஊக்க தொகைகளை பெற வாய்ப்பு உள்ளது.

வாய்ப்பிருந்தால் இதுகுறித்து அவர்களுடைய அதிகாரப்பூர்வ இணையதளத்தை பார்வையிடுங்கள்.

சரி! இன்றைய கட்டுரையில் நான்கு பயிற்சி நிகழ்வுகள் குறித்து பார்த்து விட்டோம். வரக்கூடிய, அடுத்த இரண்டு பகுதிகளிலும் பிற நிகழ்வுகள் குறித்தும் விரிவாக காணலாம்.

மேற்படி இந்த கட்டுரை குறித்து உங்களுக்கு ஏதேனும் கருத்துக்கள் இருந்தால் தயங்காமல் என்னுடைய மின்மடல் முகவரிக்கு மடல் இயற்றவும்.

கட்டுரையாளர்:-

ஸ்ரீ காளீஸ்வரர் செ,

இளங்கலை இயற்பியல் மாணவர்,

(தென் திருவிதாங்கூர் இந்துக் கல்லூரி, நாகர்கோவில் – 02)

இளநிலை கட்டுரையாளர் மற்றும் மொழிபெயர்ப்பாளர்,

கணியம் அறக்கட்டளை.

மின்மடல் : srikaleeswarar@myyahoo.com

இணையம்: ssktamil.wordpress.com

https://kaniyam.com/foss-internship-1/

#fossInternship #internship