:gutkato_datreveno: Feliĉan Esperanto-tagon! Je la temo de Esperanto, mi volas peti vian opinion pri lingva afero.

:gutkato_pensas: Kiel vi eble scias, ekzistas multaj proponoj pri seks-neŭtrala pronomo en Esperanto. Kiu ajn tiu pronomo estu, mi opinias, ke por baze kontentigi plejparton de personoj, ĝi devas plenumi almenaŭ ĉi tiujn tri bazajn kriteriojn; ĝi devas:

• Konformi al la gramatiko de la lingvo. (Ĝi ne tordu ĝisnunajn gramatikajn regulojn, kaj funkciu simile kiel aliaj pronomoj.)
• Trakti ĉiujn homojn respekte kaj egalece. (Ĝi laŭdifine ne implicu malafablecon, kaj estu uzebla por ĉiuj personoj, kies sekson oni ne volas esprimi.)
• Esti sufiĉe klara kaj oportuna en ĉiutaga uzado. (Ĝi estu uzebla en multaj ordinaraj situacioj, ne kaŭzante persistan konfuzon pri tio, kion ĝi reprezentas.)

:gutkato_flucerba: Ĉu vi konsentas pri tiuj bazaj kriterioj? Ĉu ekzistas alia universala kriterio (kiu ne estas nurnura persona prefero), kiun mi eble preterrimarkis, kaj kiun oni devus ankaŭ konsideri? Ĉiaj pensoj, komentoj kaj ripetoj estas tre bonvenaj!

(Noto: Mi ne volas komenci diskuton pri specifaj pronomoj, nur trovi komunan bazon, kiu estu la minimuma postulo al ĉiu pronomo konsiderata.)

#lang_eo #egaleco #Esperanto #gramatiko #pronomoj #seksneŭtraleco

Enketo pri la pronomo »ĝi«: https://framaforms.org/enketo-pri-la-pronomo-gi-1674837849

:gutkato_salutas: Estimataj samideanoj! Antaŭ kelkaj monatoj, mi faris enketon, kiun mi jam reklamis tie ĉi. Nun mi reklamas ĝin unu lastan fojon, ĉar ĝi baldaŭ finiĝos. Eble iuj el vi volus respondi, sed ankoraŭ ne sciis pri ĝi.

La enketo temas pri seks-neŭtrala uzo de la pronomo »ĝi« por homoj. Mi tre bonvenigas ĉiujn respondojn, ĉu ili venas de spertuloj, aŭ ĉu de komencantoj. Ankaŭ ripetoj de ĉi tiu afiŝo kaj diskonigoj de la enketo estas tre bonvenaj.

:gutkato_koro: Grandan dankon al la multaj respondintoj, kaj espereble ankoraŭ iuj respondontoj.

#lang_eo #enketo #Esperanto #ĝi #ĝiismo #gramatiko #lingvo #lingvoevoluo #pronomoj #seksegaleco #seksneŭtraleco

Enketo pri la pronomo »ĝi«: https://framaforms.org/enketo-pri-la-pronomo-gi-1674837849

Estimataj samideanoj! Ekde kelka tempo, mi esploras la demandon, ĉu la pronomo »ĝi« povas bone funkcii kiel seks-neŭtrala homa pronomo. Ĝis nun mi ĉerpis informojn ĉefe el libroj, oficialaj informoj, kaj propraj spertoj. Sed mi volus apogi miajn konkludojn ankaŭ per la pensoj, sentoj, kaj opinioj de aliaj esperantistoj.

Tial mi faris enketon, kiun vi trovos ĉe la ligilo supre. Se la temo almenaŭ iom interesas vin, mi petas vin bonvole respondi la tieajn demandojn. Ankaŭ ripetoj (plusendoj) de ĉi tiu afiŝo estas tre bonvenaj, ĉar mi volas atingi kiel eble plej multajn personojn. Grandan dankon pro via helpo!

#lang_eo #Esperanto #ĝi #ĝiismo #gramatiko #pronomoj #seksegaleco #seksneŭtraleco :blobcatheart: